அகத்தியர்

சித்தர்-சித்த வைத்தியம் என்றாலே உடனே நம் நினைவுக்கு வருபவர் அகத்திய மாமுனி தான்.

கும்ப முனி என்று போற்றப்படும் இந்த சித்தபிரான் உத்தம சித்தர்களின் தலைமைப் பீடாதிபதி-மகரகஷிகளின் உத்தம பீடம்-சித்த மாமுனி.கருவிலே தோன்றாமல் தான்தோன்றி பிரபு தத்துவராக இறைவன் அருளால் கலசக் கும்பத்தில் சுயம் பிரகாசமாய்த் தோன்றியவர்.

இன்றைய மிகப் பெரும் மருத்துவ வல்லுநர்களும் விடை காண முடியாமல் தவிக்கும் பல நோய்களுக்கும்,மருத்துவம் குறித்த சந்தேகங்களுக்கும் சில ஆயிரம் ஆண்டுகளுக்கு முன்பே தெள்ளத் தெளிவாக விளக்கம் கொடுத்திருப்பவர் இவர்.

இவருடையதோன்றம் பற்றிய புராணங்கள் பல்வேறு விதமாக கூறப்படுகிறது.

தாரகன் முதலான அரக்கர்கள் உலக மக்களுக்குப் பெரும் இடையூறுகளை செய்து வர அவர்களை அழிக்க இந்திரன்,வாயு,அக்னி, முதலானோருடன் பூமிக்கு வந்தான்.இவர்களை கண்ட அரக்கர்கள் கடலில் சென்று ஒளிந்தனர்.அவர்களை அழிக்க இந்திரன் அக்னியிடம் கடல் நீர் வற்றி போகும் படி செய்யுமாறு கட்டளை இட்டான்.

ஆனால் அக்னியோ கடல் நீரை வற்ற செய்தால் உலகில் அணைத்து நீர் வளங்களும் குறைந்துவிடும் என்று கூறி இந்திரனை சமாதானம் செய்தார்.பறுபடியும் அரக்கர்களின் தொல்லை அதிகரித்தது.அக்னி கடல் நீரை வற்ற செய்யாததால்தான் இந்த நிலை இந்த நிலை ஏற்பட்டது.அன்றே வற்றி போக செய்திருந்தால் இந்த நிலை தொடர்ந்திருக்காது என்று நினைத்து " நீ வாயுவுடன் கூடிய பூமியில் போய் கும்பத்தில் பிறந்து கடல் நீரையெல்லாம் குடிக்க கடவாய்"என்று சாபமிட்டான் இந்திரன்.அதன்படி அக்னி வாயுவுடன் கூடி பூமியில் விழுந்து அகத்திராய் தோன்றினார்.

இந்திரனின் வேண்டுகோளின் படி அகத்தியர் சமுத்திர நீர் முழுவதையும் குடித்து விட இரந்திரன் அரக்கர்களை அழித்தான்.அதன்படி அகத்தியர் நீரை பழையபடி கடலுக்குள் விடுவித்தார்.

அகத்தியர் தொன்றியதற்கான இன்னொரு நிகழ்ச்சி...
பூமியில் கஞற்கரை மித்ரா என்பவரும்,வருணர் என்பவரும் தங்கி இருந்த சமயம்,இந்திரனின் சாபத்தால் பூலோகத்திற்கு வந்து ஊர்வசியை கண்டனர்.அவளது அழகில் தங்கள் மனதை பறி கொடுத்த இருவருக்கும் மிகுந்த காமம் உண்டாயிற்று.இதன் காரணமாக ஒருவர் தம் வீரியத்தை குடத்தில் இட்டார்.மற்றொருவர் தண்ணீரில் இட்டார்.

குடத்திலிருந்த வீரியத்தில் அகத்தியரும்,தண்ணீரில் இட்ட வீரியத்தில் வசிஸ்டரும் தோன்றினர்.

பிரம்ம தேவன் ஊர்வசியின்.நடனத்தை கண்டு அவள் அழகில் மயங்கி தன் வீரியத்தை விட அகத்தியர் தோன்றியதாக காவிரி புராணம் கூறுகிறது.

குடத்திலிருந்து தோன்றிய தால் அகத்தியருக்கு கும்ப முனி,குட முனி என்னும் பெயர்கள் தோன்றியது.

அகத்தியரின் பெயரால் ஆகாயத்தில் உள்ள நட்சத்திரம் ஒன்று கடல் நீரை உதயத்தில் வற்ற செய்யும் என்று கூறப்படுகிறது.

அகத்தியர் நீரின் மேல் படுத்தபடியே பன்னிரு ஆண்டுகளாக கடுந்தவம் புரிந்து பல அறிய சித்திகளை பெற்றார்.

இராம பிரானுக்கு சிவ கீதையை போதித்தார்.சுவேதன் என்பவன் பிணம் திண்ணுமாறு இருந்த சாபத்தை போக்கினார்.தமக்கு வந்தனை வழிபாடு செய்யாது யோகத்தில் அமர்ந்து இருந்த இந்திரதுய்மனை யானையாக போகும்படி சபித்தார்.

அகத்தியர் தென் திசை நோக்கி வரும் வழியில் தன் முன்னோர்கள்(பித்ருக்கள்) தலைகீழாக மரத்தில் தொங்கி கொண்டு இருந்ததை கண்டார்.அவர்கள் அகத்தியரிடம் திருமணம் செய்து ஒரு மகனை பெற்றால் தான் தாங்கள் சொர்கம் புக முடியும் என்றார்கள்.

அகத்தியரும் தன் முன்னோர்களின் சாபத்திற்கு அஞ்சி"நான் விரைவில் இல்லறம் கண்டு ஒரு மகவை பெற்று உங்கள் இத்துன்பத்தை போக்குகிறேன்"வாக்குறுதி கொடுத்தார்.அவர் விதர்ப்ப நாட்டை அடைந்து அவ்வரசன் யாகத்தில் பிறந்த உலோப முத்திரையை அதிக பொருள் தந்து மணந்து தென்புலத்தார் கடனை தீர்த்தார்.

முருக கடவுளின் ஆணைப்படி தமிழுக்கு அகத்தியம் என்னும்.இலக்கய நூலை இயற்றி தமிழை வளர்த்தார்.

கல்வி,கலைகளில் சிறந்து விளங்கிய இவருக்கு திரண,தூமாக்கினி(தொல்காப்பியர்),அதங்கோட்டாசான்,துராலிங்கன்,செம்பூட்சேல்,வையாபிகன்,வாய்பியன்,பனம்பாரன்,கழாரம்பன்,அவிநயன்,காக்கை பாடினி,நற்றத்தான்,வாமனன் போன்ற மாணாக்கர்கள் இருந்தனர்.

அகத்தியர் பெயரில் வெளியாகியுள்ள 'சமரச நிலை ஞானம்'என்னும் நூலில் முக்கியமான நரம்பு முடுச்சுகள் பற்றிய விளக்கங்கள் காணப்படுகின்றன.

அகத்தியர் ஐந்து சாஸ்திரங்கள் எனும் நூலில் கிரிகை நூல் 64 என்ற பகுதியில் பதினெட்டு வகையான மன நோய்கள் பற்றியும்,அவர்களின் இயல்புகள் பற்றியும்,அவர்களுக்கு உறிய மருத்துவ முறைகளை பற்றியும் தெளிவாக விளக்கியுள்ளார்.

அகத்தியர்' அஷ்டமா சித்துகள் 'எனும் நூலில் குழந்தைகளுக்கு ஏள்படும் தோஷங்கள் குறித்து கூறியுள்ளார்.

அகத்தியரின் வைத்திய நூல்கள்

1.அகத்தியர் வைத்திய ரத்ன சுருக்கம் 360
2.அகத்தியர் வாகட வெண்பா
3.அகத்தியர் வைத்தியக் கொம்பி
4.வைத்திய ரத்னாகரம்
5.வைத்திய கண்ணாடி
6.வைத்தியம் 1500
7.வைத்தியம் 4600
8.செந்தூரன் 300
9.மணி 4000
10.வைத்திய சிந்தாமணி
11.கர்ப்ப சூத்திரம்
12.ஆயுள் வேத பாஸ்யம்
13.வைத்திய நூல்கள்
14.பெருந்திரட்டு
15.பஸ்மம் 200
16.நாடி சாஸ்த்திரம் பஷினி
17.கரிசல் பஸ்பம் 200.

சிவ ஜாலம், சக்தி ஜாலம்,சண்முக ஜாலம்,ஆறெழுத்தந்தாதி,கர்மவியாபகம், விதி நூண் முவகை காண்டம், அகத்தியர் பூஜா விதி,அகத்தியர் சூத்திரம் 30 போன்ற தத்துவ நூல்களும்

ஐந்திலக்கனம் அடங்கிய அகத்தியம்,வட மொழி வைத்திய நூலான அகஸ்திய சம்ஹிதை போன்ற நூல்கள்

"அகஸ்த்தியர் ஞானம்" என்ற நான்கு தொகுப்பு பாடல்கள் சித்தர் பாடல் திரட்டில் காணப்படுகிறது.

மனமது செம்மையானால் மந்திரஞ் செபிக்க வேண்டா
மனமது செம்மையானால் வாயுவை உயர்த்த வேண்டா
மனமது செம்மையானால் வாசியை நிறுத்த வேண்டா

மனமது செம்மையானால் மந்திரம் செம்மையாமே

இதுவரை கண்டவை அணைத்தும் புராணங்களில் கூறப்படும் அகத்தியர் பற்றிய விபரங்கள் என்றாலும் அகத்தியர் என்ற பெயர் கொண்ட அறிஞர்கள் பலர் வெவ்வேறு காலகட்டங்களில் வாழ்ந்து பல்வேறு இலக்கியங்களை இயற்றியுள்ளனர்.

பொதிகைமலை அகத்தியர்,முத்தூர் அகத்தியர்,வாதாபி அகத்தியர்,உலோப முத்திரை அகத்தியர்,மைத்திரா வர்ண அகத்தியர்,மானிய அகத்தியர்,அம்ப அகத்தியர்,அவிர்பூ புத்திரர் அகத்தியர்,கத்ருவன் புத்திரர் அகத்தியர்,ஏழு முனிவர்களான ஒருவர் அகத்தியர்,புரோகித அகத்தியர்,கொடி தோள் செம்பியன் காலத்து அகத்தியர்,உலோப முத்திரை அகத்தியர்2,கோசல நாட்டு அகத்தியர்,பஞ்சவடி அகத்தியர்,மலையமலை அகத்தியர்,குஞ்சர கிரி அகத்தியர்,காரை தீவு அகத்திரயர்,போதலகிரி அகத்தியர்,திலோத்தமை அகத்தியர் ,திருமாலை சிவனாக்கி அகத்தியர்,பள்ள அகத்தியர் இப்படியாக பல அகத்தியரின் பெயர்களும் தமிழ் இலக்கியங்களிலும்,புராணங்களிலும் கூறப்பட்டு வருவதால் புராண அகத்தியரே அன்றிஅவருக்கு பின் தோன்றிய அகத்தியருள் ஒருவரே சித்தராய் அகஸ்த்தியர் ஞானம் பாடி இருக்க வேண்டும் என்று கருதப்படுகிறது.

அகத்தியருக்கு தட்ஷினா மூர்த்தி என்ற பெயரும் உண்டு என்பதை' தட்ஷினா மூர்த்தி குரு முகம் நூறு'எனும் நூலின் மூலம் அறிந்து கொள்ள முடிகிறது.

சென்னையிலுள்ள கீழை நாட்டு கையெழுத்து பிரதி நூலகம் தயாரித்துள்ள ஒரு பட்டியலில் அகத்தியர் பெயரில் சுமார் 96 நூல்கள் காணப்படுகின்றன.

சித்தராய் விளங்கிய அகஸ்தியரை பற்றி சில கருத்துகளை நாம் "அகஸ்தியர் காவியம் 12000"என்ற நூலின் மூலம் தெரிந்து கொள்ள முடிகிறது.

அகத்தியர் பாண்டிய நாட்டின் காய்ச்சின வழுதி எனும் அரசனின் அரசவையில் தமிழ்ச் சங்கத்தின் தலைவராக இருந்த காலத்தில் கடற்கோள் ஏற்பட்டு மதுரையையும்,குமரி ஆற்றலை அடுத்த 49 நாடுகளும் அழிந்து போயின.இந்த பிரளயத்தை பற்றி அகத்தியர் தமது பெருநூல் காவியம்12000ல் குறிப்பிட்டுள்ளார்.

இந்த பிரளயத்தின் போது தான் பெரும்பாலான தமிழ் நூல்கள் காணாமல் போய்விட்டன.கடலோரத்தில் மிதந்த சில ஓலை சுவடிகளை மட்டும் சேகரித்து கொண்டு வந்து அவற்றின் கருத்துகளை அகத்தியரால் அறிந்து கொள்ள முடிந்திருக்கிறது என்றும் கூறப்பட்டுள்ளது.

வைத்தியர் என்கின்ற முறையில் இவருக்கு அங்கே ஒரு தனி சிறப்பு ஏற்பட்டது.நாடு முழுவதும் இவரது வைத்திய திறமையின் புகழ் பரவியதுகும்ப முனி,குறு முனி,பொதிகை முனி,தமிழ் முனி என்கின்ற சிறப்புப் பெயர்களும் ஏற்பட்டன.

அகததியர் வாழ்ந்த காலத்தில் அவருடைய சீடர்களும்,அபிமானிகளும் தங்கள் பெயர்களை அகத்தியர் என்ற பெயரிலே வைத்து கொண்டு வைத்தியம் செய்ய தொடங்கினர்.நூல்களையும் இயற்றினர்.பிற்காலத்திலும் பலர் அகத்தியர் என்ற பெயரிலே நூல்களை இயற்றி சேர்த்துவிட்டனர்.அகத்தியர் தாம் வடக்கே இருந்து கொண்டு வந்த ஆயுர் வேதத்தினையும்,தமிழ் சித்தர்களின் மருத்துவத்தையும் ஒன்று கலக்க முயன்றதால் ஒரு நோய்க்கு பல விதமான சிகிச்சை முறைகளை கூற வேண்டியிருந்தது.இதனால் முரண்பட்ட கருத்துக்கள் தோன்றின.

.அகத்தியர் திருவனந்த புரத்தில்(அசந்த சயனம்)சமாதியடைந்ததாக கூறப்படுகிறது.ஒரு சிலர் கும்பகோனத்திலுள்ள கும்பேசுவரர் கோவிலில் சமாதி கொண்டிருப்பதாக கூறுகின்றனர்.

இவருக்கு சென்னையிலும்,தமிழ் நாடு மற்றும் சில இடங்களில் கோவில் உள்ளன.

அகத்தியரின் சில பாடல் விளக்கம்

மோட்சமது பெறுவதற்குச் சூட்சஞ் சொன்னேன்,
மோகமுடன் பொய் களவு கொலை செய்யாதே;
காய்ச்சலுடன் கோபத்தை தள்ளி போடு;காசியினிற்
புண்ணியத்தைக் கருதி கொள்ளு;

பாய்ச்சலது பாயாதே:பாழ்போகாதே-பலவித
சாஸ்திரமும் பாருபாரு
ஏச்சலில்லாதவர் பிழைக்கச் செய்த மார்க்கம்
என் மக்கா ளெண்ணி யெண்ணிப் பாரீர் நீரே!

மோட்சம் -விடுதலை பெறக்கூடிய வழிகள் செல்கிறேன்.ஆசை,களவு,கொலை செய்யாதீர்கள்.கோபத்தை தள்ளி விடுங்கள்.உலகில் புண்ணியத்தை நல்வினையை எண்ணி செயல்படுங்கள்.

பாபங்கள்-தீயச் செயல்களை செய்யாதே என்று பல சாஸ்த்திரங்கள் கூறுவதை பாருங்கள்.

பழிச் சொல்லில்லாதவர்கள் வழியை எண்ணிப் பாருங்கள்.

நல்லோர் வழியில் செல்லுங்கள்.

ஒருவனென்றே தெய்வத்தை வணங்க வேணும்

உத்தமனாய் பூமிதனிலிருக்க வேணும்;
பருவமதிற் சேறு பயிர் செய்ய வேணும்;
பாழிலே மனத்தை விடான் பரமஞானி;
திரிவார்கள் திருடரப்பா கோடா கோடி
தேசத்திற்கள்ளரப்பா கோடா கோடி;
வருவார்களப்பனே அனேகங்கோடி;
வார்த்தையினால் பசப்புவார் திருடர்தானே

இறைவன் ஒருவன் தான்.உண்டு.அவனை வணங்க வேண்டும்.நல்லவனாய் பூமியில் வாழ வேண்டும்.தக்க காலத்தில் விவசாயம் செய்ய வேண்டும்.தீய வழிகளில் மனதை விடக் கூடாது.உலகில் திருடர்கள் பலர் திரிவார்கள்.இன்னும் பல பேர் வருவார்கள்.இனிய வார்த்தைகளால் பேசுவார்கள்.

சத்தியமே வேணுமடா மனிதனானால்;
சண்டாளஞ்செய்யாதே தவறிடாதே;
நித்திய கர்மம் விடாதே,நேமம் விட்டு நிட்டையுன்
சமாதிவிட்டு நிலைபே ராதே:
புத்தி கெட்டு திரியாதே;பொய் சொல்லாதே-புண்ணியத்தை
மறவாதே-பூசல் கொண்டு
சத்தியதோர் தள்ளியிட்டு தர்க்கியாதே-கர்மியென்று
நடவாதே கதிர்தான் முற்றே.

மனிதன் என்றால் வாக்கினில் சத்தியம் வேண்டும்.பிறரை கெடுக்கும் சண்டாளத்தனம் கூடாது.நித்திய கர்மங்களை விடாதே.சமாதியினின்று வெளிவாராதே.நற் புத்தியில்லாமல் அலையாதே.பொய் சொல்லாதே.புண்ணியத்தை மறவாதே.வாக்குவாதம் யாரிடமும் செய்யாதே.

மனமது செம்மையானால் மந்திரஞ் செபிக்க வேண்டா;
மனமது செம்மையானால் வாயுவை உயர்த்த வேண்டா;
மனமது செம்மையானால் வாசியை நிறுத்த வேண்டா;
மனமது செம்மையானால் மந்திரஞ் செம்மை யாமே

மனம் உட்பகை நீங்கி நன்றாக இருந்தால் .மந்திரம் சொல்ல வேண்டாம்.மனம் நன்றாக இருந்தால் வாயுவை உயர்த்துவது யோகம் வேண்டாம்.மனம் நன்றாக இருந்தால் வாசியை நிறுத்துதல் "பிராணயாம பயிற்ச்சி"வேண்டாம்.மனம் செம்மையானால் நீங்கள் கூறும் மந்திரங்கள்,ஞானிகளின் வார்த்தைகள்,செம்மையாகும்.

உட் பொருள்:நமது உட்பகைகள்.ஆணவம்,நீங்கினால்,நாம் இறைவனை சேரலாம்.வேறு மந்திரங்கள்,செயல்கள் போன்றவை வேண்டாம்.